AEX Gold Inc. Kuultisiorfimmik Nalunamik ingerlatsisoq Londonimi aningaasanik niuerfimmi (AIM | London Stock Exchange) marloriarluni nalunaarsorneqarpoq, tassungalu atatillugu £ 42,5 millioninik nutaanik aningaasaliiffigineqarsimalluni (AEX-ip tusagassiorfinnut nalunaarutaa takuuk).
AEX Gold Inc. Torontomi aningaasanik niuerfimmi TSX Venture Exchangemi nalunaarsugaareerpoq.
Aningaasaliissutit amerlissutaat Kuultisiorfiup Nalunap ineriartorteqqinneqarneranut atorneqassapput kiisalu suli annerusumik misissueqqissaarnernut atorneqassallutik.
Aningaasaliissutit amerlineqarneranni Nuna Advokater nuannaarutigalugu AEX Gold Inc.-imut nunatsinni siunnersortaasimavoq.
Kuultisiorfik Nalunaq Kujataani Nanortallup eqqaaniittoq siusinnerusukkut ataasiarani ingerlanneqartarsimavoq.
AEX-ip siunertaraa aatsitassarsiorfik oqaluttuarisaanermi pingaarutilik imminut nammassinnaasumik tunisassiortunngortinniarlugu aatsitassarsioriaatsit suliarinneriaatsillu misilerariikkat atorluassallugit.
AEX Gold Inc. nunat tamalaat akornani suleriaatsit pitsaanerpaat naapertorlugit sulissalluni kiisalu akisussaassuseqartumik nunatsinni aatsitassarsiorfimmik ingerlatsissalluni imminut pisussaaffilersimavoq.
Suliariniagaq pillugu sukumiinerusumik paasisaqarumaguit attaviguuk
Helen Kibsgaard
Advokat
(+299) 55 17 70
hk@nuna-law.gl