Avannaata Kommunia kiisalu Kommuneqarfik Sermersooq 500.000 km2 sinnerlugit angissuseqarlutik nunarsuarmi kommunit annersaraat. Aamma sermitaqarnerpaajupput angissutsimullu sanilliullugu inukinnerpaanut ilaallutik.
Kommunipilorujussuit taakku 2009-imi kommuninik aaqqissuusseqqinnerup kingunerisaanik pinngorsimapput, taamanimullu Kalaallit Nunaanni kommunit 18-iusimagaluit sisamaannanngortinneqarlutik. Taakku annersaat, Qaasuitsup Kommunia, 2018-imi januaarip aallaqqaataani marlunngorlugu avinneqarpoq – Avannaata Kommunia avannarliulluni kujalliullunilu Kommune Qeqertalik.
Allanngortiterinerit soorunami aaqqissugaanikkut qasseersuarnik ilungersunartorsiorfiulerput, ilaatigut allaffissornikkut ingerlatsiviit nutaat Kujataani Avannaanilu pilersiortorneqartariaqarlutik. Allaammi Avannaani marloriarluni pilersinneqartariaqarsimallutik.
Nuna Advokatini kommunini ingerlatsinermut tunngasut ukiorpassuarni misilittagaqarfigaavut – inatsisit peqqussutillu, sanaartornermi nunaminertanik atugassanngortitsineq, pilersaarusiornermut sanaartornermullu inatsisit, isumaginninnermut peqqinnissamullu inatsisit, kommunip inatsisinik paasinninera kiisalu minnerunngitsumik pissutsit atugassarititaasullu kommunit sulinerminni atugaat.
Taamaammat paasissutissanik pissarsiorniarsinnaatitaaneq, pisortat ingerlatsinerat kiisalu inummut paasissutissat pillugit inatsisinik allannguinerup kingorna Avannaata Kommuniata Qeqertallullu Kommuniata ”inissinniarneranni” kiisalu ingerlatsiviit ataasiakkaat inatsisitaannik qanoq paasinninnissamik nassuiaaniarnermi ikiuuttussatut toqqagaasimavugut.
Pisortat ingerlatsinerat pillugu inatsisitigut malittarisassaqartitsineq Kalaallit Nunaanni annertuujuvoq. Kommunit pillugit inatsisinut piginnaaneqarnerput kiisalu inatsisitigut tunngaviit, inatsisinik paasinninneq imaluunniit ingerlatsinermi malittarisassanik nalinginnaasumik paasinnineq pillugu piginnaanivut sullitatsinnut sorpassuartigut assut iluaqutaasarput. Taamaaliortoqarsinnaava? Taamaaliorsinnaappat?
Inatsisartut inatsisiliornerat aqqutigalugu kommunit suliassanik assigiinngitsunik, sullissinermut isumaginninnermut tunngasutigut, assigiinngitsunik suliassinneqarsimapput, kiisalu malittarisassiorsinnaanernik assigiinngitsunik suliassaqartitaapput, aamma kommunip nammineq suliaanut tunngasut inatsisitigut aalajangersagaanngitsumik kommunimut piginnaatitsissutaasut eqqarsaatigalugit.
Nuna Advokater immikkut ittumik kommuninut siunnersuisarpoq, aammattaaq kommunit suliassanik ingerlatsineranni naammagittaalliutinik pisariunerusunik, oqartussaqarfinnut nakkutilliisoqarfinnullu akissutinik tigusisarpugut, kiisalu eqqartuussinermi sulianik tigusisarluta.
Tamatuma saniatigut kommunit ingerlatseqatigiiffiutaannik pilersitsineq ingerlatsinerlu pillugit siunnersuisarpugut kiisalu ingerlatseqatigiiffiup aammalu kommunip iluani piginnittut akornanni oqartussaaffinnut tunngasut pillugit siunnersuisarluta.
Sukumiinerusumik paasisaqarumagaanni attavissaapput advokat Charlotte Pedersen kiisalu advokat Peter Schriver.
