Kalaallit Nunaanni politikkip aalaakkaassusia inuussutissarsiortunullu pitsaasuunera – kiisalu aatsitassatigut periarfissarpassuaqarnera – pissutaallutik Kalaallit Nunaat nunarsuarmi ilisimaneqarlualersimavoq kiisalu suliffeqarfiit nunanit allaneersut aningaasaliiffigissallugu kajungerillualersimallugu. Takornariartitsineq ineriartoqqippat, politikkikkut assut ilungersuutigineqartutut, suliffeqarfiit nunanit allaneersut qassiit aamma kajungilersinneqassapput.
Aamma suliffeqarfiit Kalaallit Nunaanneersuttaaq nunap avataanut isigileriartorput.
Suliffeqarfinnik suliffeqarfiilluunniit suleqatigiiffissuinik nunanit allaneersunik Kalaallit Nunaanni aallartinniartunik ingerlatsilerniartunillu siunnersuineq tassaavoq Nuna Advokatini ukiorpassuarni misilittagaqarfigisarput. Ilaatigut ingerlatseqatigiiffiit annerpaat aatsitassarsiornermik ingerlatallit qasseersuit ikiortarsimavavut. Kiisalu malittarisassat immikkut ittut suliffeqarfinnut nunanit allaneersunut atuuttut ilisimasaqarfigaavut.
Tamatuma saniatiguttaaq suliffeqarfinnik nunatsinneersunik nunatta kusanartup killeqarfiisa avataani ingerlataqartunik ikiuineq assorsuaq misilittagaqarfigaarput.
Sorliit pineqarnersut apeqqutaanani immikkut ilisimasaqarnissaq piginnaaneqarnissarlu pisariaqarput – oqaatsit saniatigut.
Tamakku tikissagaangatsigit Danmarkimi advokateqarfimmik Hortenimik qanimut suleqateqarnerput iluaqutigilertarparput. Horten Danmarkimi advokateqarfiit nunanut allanut samminerpaat ilagaat, taakkulu peqatigalugit attaveqarfigisavut siunnersuisarnitsitulli immikkuullaritsigipput.
Sukumiinerusumik paasisaqarumagaanni attavissaavoq advokat Peter Schriver.
